రాగం : ఖరహరప్రియ
సచరా చర మిదే
సచరా చర మిదే సర్వేశ్వరుడే
పచరించి యీతని భావింపు మనసా || సచరా చర మిదే ||
కదలెడి దింతయు కమలా రమణుని
సదరపు సత్యపు చైతన్యమే
నిదిరించెడి యీ నిశ్చేష్ట జగమును
వుదుటున నాతడు వుండే సహజమే || సచరా చర మిదే ||
కలిగి వుండినదే కలదింతయు హరి
నలుగడ పరిపూర్ణపు గుణమే
మలసి లేనిదియు మహిమల నాతని
నిలుకడ గలిగిన నిర్గుణమే || సచరా చర మిదే ||
జీవరాసులకు సృష్టియింతయును
శ్రీ వేంకటేశ్వరు చిత్తంబే
కైవల్య మేలోకపు టిహ పరము
భావింప నేర్చిన పరమ విధులకు || సచరా చర మిదే ||