ఫలక్ నుమా దాస్, ఈ నగరానికి ఏమైంది, హిట్ సినిమాలతో మంచి క్రేజ్ సంపాదించుకున్నాడు హీరో విశ్వక్ సేన్. ప్రస్తుతం ఈ యంగ్ హీరో పాగల్ సినిమా చేస్తున్నాడు. ఈ సినిమా విడుదలకు సిద్ధంగా ఉంది. నరేష్ కుప్పిలి దర్శకత్వంలో వస్తున్న ఈ సినిమాను దిల్ రాజు సమర్పణలో శ్రీ వెంకటేశ్వర క్రియేషన్స్, లక్కీ మీడియా పతాకంపై బెక్కెం వేణుగోపాల్ నిర్మిస్తున్నారు.
ఇదిలా ఉండగా విశ్వక్సేన్ ఇటీవల ఓ ఇంటర్వ్యూలో మాట్లాడుతూ కొన్ని ఆసక్తికర వ్యాఖ్యలు చేశారు విశ్వక్. సినిమా కథను, అందులో పాత్రను ఆధారంగా చేసుకుని ఎంచుకుంటానని కథలో ప్రాధాన్యత ఉంటే విలన్ పాత్ర కూడా చేయడానికి సిద్ధమేనని చెప్పుకొచ్చాడు. రెమ్యూనరేషన్ కి చివరి ప్రాధాన్యత ఉంటుందని క్లారిటీ ఇచ్చాడు.