నందమూరి బాలకృష్ణ ప్రస్తుతం యాక్షన్ డైరెక్టర్ బోయపాటి శ్రీను దర్శకత్వంలో అఖండ సినిమా చేస్తున్న సంగతి తెలిసిందే. ఈ సినిమా తర్వాత గోపిచంద్ మలినేని దర్శకత్వంలో ఓ సినిమా చేయబోతున్నాడు. ఇప్పటికే ఈ సినిమాకు సంబంధించిన అధికారిక ప్రకటన కూడా చేసింది. ఇక ఈ సినిమాకు ఎస్.ఎస్ తమన్ సంగీతం అందిస్తున్నారు. మైత్రి మూవీ మేకర్స్ వారు నిర్మిస్తున్నారు. అయితే గోపీచంద్ మలినేని గత చిత్రం క్రాక్ బాక్సాఫీస్ వద్ద సూపర్ డూపర్ హిట్ ను సాధించింది.
కాగా ఈ సినిమాలో జయమ్మ పాత్రలో వరలక్ష్మి శరత్ కుమార్ నిఅద్భుతంగా నటించారు. జయమ్మ నటన సినిమాకు హైలెట్ గా నిలిచింది. అయితే ఇప్పుడు బాలకృష్ణ సినిమాలో కూడా వరలక్ష్మి శరత్ కుమార్ కు ఓ పాత్ర రాసారట గోపీచంద్. ఓ పవర్ ఫుల్ లేడీ పాత్రలో వరలక్ష్మి శరత్ కుమార్ నటించనుందట. అలాగే క్రాక్ సినిమాలో నటించిన వేటపాలెం బ్యాచ్ ని కూడా గోపీచంద్ రంగంలోకి దింపుతున్నట్లు తెలుస్తోంది. మరి ఇందులో ఎంతవరకు నిజం ఉందో తెలియాలంటే కొన్నాళ్ళు ఆగాల్సిందే.