హీరోయిన్ రకుల్ ప్రీత్ సింగ్ గురించి సినీ ప్రేక్షకులకు కొత్తగా పరిచయం చేయనవసరం లేదు. అయితే ఆమె సోదరుడు అమన్ హీరోగా ఇండస్ట్రీకి పరిచయం అవుతున్న చిత్రం త్రిశంకు. ఈ సినిమాలో ప్రాచీ తెహ్లాన్, రష్మి గౌతమ్ హీరోయిన్స్ గా నటిస్తున్నారు. శ్రీకృష్ణ గొర్లె దర్శకత్వంలో తెరకెక్కుతున్న ఈ సినిమా ను లండన్ గణేష్, నల్ల అయ్యన్ననాయుడు నిర్మిస్తున్నారు.
కాగా తాజాగా ఈ సినిమా కు సంబంధించిన ఏడు రంగుల ఇంద్ర ధనుస్సులో అనే లిరికల్ వీడియో సాంగ్ ను ప్రముఖ నటుడు దగ్గుబాటి రానా రిలీజ్ చేశారు. ఈ సందర్భంగా యూనిట్ కు శుభాకాంక్షలు తెలిపారు. ఈ పాటను భాగ్యశ్రీ రాయగా సునీల్ కశ్యప్ సంగీతం అందించారు. అలాగే రాహుల్ సిప్లిగంజ్ పాటని ఆలపించారు. కాగా నిర్మాతలు మాట్లాడుతూ… దర్శకుడు చెప్పిన కథ నచ్చి ఈ సినిమాను నిర్మించామని త్వరలోనే ఈ సినిమాకు సంబంధించిన అన్ని వివరాలు తెలియజేస్తామని చెప్పుకొచ్చారు.