హిట్ ఫ్లాప్ లతో సంబంధం లేకుండా వరుస సినిమాలు చేస్తున్నాడు హీరో కార్తికేయ. ఆర్ఎక్స్ 100 సినిమా తో హీరో గా ఎంట్రీ ఇచ్చాడు కార్తికేయ. కార్తికేయ ప్రస్తుతం శ్రీ సరిపల్లి దర్శకత్వంలో రాజా విక్రమార్క సినిమా చేస్తున్నారు. ఈ సినిమాకు సంబంధించిన ఫస్ట్ లుక్ ను చిత్ర యూనిట్ మొన్న రిలీజ్ చేయగా… తాజాగా మరో కొత్త పోస్టర్ నుచిత్ర యూనిట్ రిలీజ్ చేసింది.
అందరికీ ఈద్ ముబారక్ అంటూ ఈ పోస్టర్ రిలీజ్ చేసింది. ఈ చిత్రంలో ఎన్ఐఏ ఆఫీసర్ గా కార్తికేయ నటిస్తున్నట్లు తెలుస్తోంది. ఇక ఈ సినిమాకు దర్శకత్వం వహిస్తున్న శ్రీ సరిపల్లి అల్లుడు శ్రీను, నాయక్ వంటి చిత్రాలకు అసిస్టెంట్ డైరెక్టర్ గా పనిచేశారు. ఇక తన్య రవిచంద్ర హీరోయిన్ గా ఈ సినిమాలో నటిస్తోంది. ఈ చిత్రానికి ప్రశాంత్ ఆర్ విహారి సంగీతం అందిస్తున్నారు.