బెల్లంకొండ సాయి శ్రీనివాస్ బాలీవుడ్ లో అడుగు పెట్టబోతున్న సంగతి తెలిసిందే. టాలీవుడ్ లో సూపర్ డూపర్ హిట్ సాధించిన చత్రపతి సినిమాను బాలీవుడ్ లో రీమేక్ చేస్తున్నాడు బెల్లంకొండ. ఈ సినిమాకు వి.వి.వినాయక్ దర్శకత్వం వహిస్తున్నారు. అలాగే ప్రముఖ బాలీవుడ్ నిర్మాత జయంతి లాల్ గడా ఈ ప్రాజెక్ట్ ను భారీ బడ్జెట్ తో నిర్మిస్తున్నారు.
కాగా తాజా సమాచారం ప్రకారం ఈ సినిమా కోసం చిత్ర యూనిట్ భారీ విలేజ్ సెట్ ను నిర్మిస్తున్నట్లు తెలుస్తోంది. గతంలో ఓ సెట్ ను వేసినప్పటికీ అది వర్షాలు కారణంగా దెబ్బతింది. ఇక మొదటి షెడ్యూల్ జూలై మొదటి వారం నుండి ఈ సెట్ లోనే జరగనుంది. ఇక హైదరాబాద్ ముంబై బంగ్లాదేశ్ లో ఈ షూటింగ్ జరగనుంది. కాగా ఈ సినిమాలో ఇంకా హీరోయిన్ ను కూడా ఫైనల్ చేయలేదు దర్శక, నిర్మాతలు. ఈ సినిమాతో పాటు బెల్లంకొండ ధనుష్ నటించిన కర్ణన్ రీమేక్లో కూడా నటించనున్నాడు.