యంగ్ టైగర్ ఎన్టీఆర్ ప్రస్తుతం రాజమౌళి దర్శకత్వంలో ఆర్ఆర్ఆర్ సినిమా చేస్తున్న సంగతి తెలిసిందే. ఈ సినిమా తర్వాత కొరటాల శివ దర్శకత్వంలో ఓ సినిమా చేయబోతున్నాడు. ఇప్పటికే ఈ సినిమాకు సంబంధించిన అధికారిక ప్రకటన కూడా వచ్చేసింది. అయితే ఎన్టీఆర్ పుట్టినరోజు సందర్భంగా చిత్ర యూనిట్ ఓ పోస్టర్ సోషల్ మీడియాలో పోస్ట్ చేసింది. #NTR 30 పేరుతో ఉన్న ఈ పోస్టర్ లో ఎన్టీఆర్ లుక్ అదిరిపోయింది.
ఇక ఈ సినిమాను మొదట త్రివిక్రమ్ దర్శకత్వంలో చేస్తున్నట్లు ప్రకటించారు. కానీ కొన్ని కారణాల వల్ల కొరటాల శివ తెరపైకి వచ్చాడు. దీంతో త్రివిక్రమ్ మహేష్ బాబు సినిమాను ఓకే చేశారు. కొరటాలతో సినిమా పూర్తయ్యాక ఎన్టీఆర్ ప్రశాంత్ నీల్ తో సినిమా చేయబోతున్నాడు.