హిట్ ఫ్లాఫ్ లతో సంబంధంలేకుండా వరుస సినిమాలు చేస్తున్నాడు అక్కినేని హీరో నాగచైతన్య. కెరీర్ స్టార్టింగ్ లో కొద్దిగా స్లోగా సినిమాలు చేసినప్పటికీ… ప్రస్తుతం మాత్రం స్పీడ్ పెంచాడు. శేఖర్ కమ్ముల దర్శకత్వంలో లవ్ స్టోరీ సినిమా చేశాడు చైతన్య. ఈ సినిమా రిలీజ్ కు సిద్దంగా ఉంది. అలాగే విక్రమ్ కె.కుమార్ దర్శకత్వం లో థాంక్యు సినిమా చేస్తున్నాడు. ఈ సినిమా షూటింగ్ దశలో ఉంది.
ఈ సినిమా షూటింగ్ చివరి దశకు చేరుకుంది. మరోవైపు బాలీవుడ్ లో కూడా సినిమాలు చేస్తున్నాడు చైతన్య. అమీర్ ఖాన్ హీరోగా తెరకెక్కుతున్న లాల్ సింగ్ చద్దా సినిమాలో నటించబోతున్నాడు చై. అయితే ఈ సినిమాలో చైతు పాత్ర నిడివి 10 నిమిషాలట. ఒక తెలుగు కుర్రాడి పాత్రలో చైతు కనిపించబోతున్నాడని… ఇది ఒక గెస్ట్ రోల్ అని తెలుస్తోంది. ఇక ఈ సినిమా షూటింగ్ జూన్ నుంచి ప్రారంభం కానుంది. మరో వైపు వెంకీ కుడుముల తో కూడా నాగచైతన్య సినిమా చేయబోతున్నారట.