బుచ్చిబాబు సాన దర్శకత్వంలో వైష్ణవ్ తేజ్ హీరోగా కృతి శెట్టి హీరోయిన్ గా ప్రేక్షకుల ముందుకు వచ్చిన చిత్రం ఉప్పెన. గతేడాది రిలీజ్ కావాల్సిన ఈ చిత్రం కరోనా కారణంగా వాయిదా పడింది. అయితే ఈ ఏడాది విడుదలైన ఈ చిత్రం బాక్సాఫీస్ వద్ద ఘన విజయం సాధించడంతో పాటు కోట్ల రూపాయలను వసూలు చేసింది. ఇక ఈ సినిమాలో వైష్ణవ్ తేజ్ కృతి కెమిస్ట్రీ ఆడియన్స్ కు తెగ నచ్చేసింది. ఈ నేపథ్యంలోనే మరోసారి ఈ జోడిని సెట్ చేసేందుకు సన్నాహాలు జరుగుతున్నాయి.
మైత్రి మూవీ మేకర్స్ ఇద్దరిపై మరో సినిమా చేయడానికి సిద్ధం అవుతున్నట్లు తెలుస్తోంది. అంతేకాదు సుకుమార్ శిష్యుడు అయిన మరో యంగ్ డైరెక్టర్ ఈ సినిమాకి దర్శకత్వం వహించబోతున్నాడని సమాచారం. ఇక వైష్ణవ్ ప్రస్తుతం క్రిష్ దర్శకత్వంలో ఓ సినిమా చేస్తున్నాడు. కృతి శెట్టి శ్యామ్ సింగ రాయ్, అలాగే మోహన్ కృష్ణ సుధీర్ బాబు కాంబినేషన్ లో తెరకెక్కుతున్న సినిమాలో నటిస్తోంది. అలాగే రామ్ పోతినేని లింగు స్వామి సినిమాలో కూడా కృతి శెట్టి నటించనుంది.