సూపర్ స్టార్ మహేష్ బాబు ప్రస్తుతం పరశురామ్ దర్శకత్వంలో సర్కారు వారి పాట సినిమా చేస్తున్న సంగతి తెలిసిందే. బ్యాంకింగ్ కుంభకోణం నేపథ్యంలో తెరకెక్కుతున్న ఈ సినిమాలో కీర్తి సురేష్ హీరోయిన్ గా నటిస్తోంది. ఇదిలా ఉండగా మే 31న సూపర్ స్టార్ కృష్ణ పుట్టిన రోజు సందర్భంగా ఈ సినిమాకు సంబంధించి ఓ అప్డేట్ రాబోతుందని గత కొన్ని రోజులుగా టాక్ నడుస్తున్న సంగతి తెలిసిందే.
అయితే ఇప్పుడు చిత్ర యూనిట్ ఆ నిర్ణయాన్ని మార్చుకుంటున్నట్టు అధికారికంగా ప్రకటించింది. ఆ రోజున ఎలాంటి ఫస్ట్ లుక్ లాంచ్ లేదని దేశంలో ప్రస్తుతం ఉన్న పరిస్థితుల దృష్ట్యా ఈ నిర్ణయం తీసుకున్నామని క్లారిటీ ఇచ్చారు. దీనిపై ఎవరు ఫేక్ న్యూస్ లు స్ప్రెడ్ చేయవద్దని సూచించారు. కాగా ఈ సినిమాకు ఎస్.ఎస్ తమన్ సంగీతం అందిస్తున్న సంగతి తెలిసిందే.