అక్కినేని నాగార్జున వరుస సినిమాలను లైన్ లో పెడుతూ స్పీడ్ పెంచుతున్నాడు. ఇప్పటికే వైల్డ్ డాగ్ సినిమా రిలీజ్ కు సిద్ధంగా ఉంది. మరోవైపు ప్రవీణ్ సత్తారు తో సినిమా మొదలు పెట్టాడు. ఈ సినిమాలో నాగ్ ఓ ప్రైవేట్ డిటెక్టివ్ పాత్రలో కనిపించబోతున్నాడు. ప్రస్తుతం ఈ సినిమా షూటింగ్ గోవాలో జరుగుతోంది. మార్చి 31 నుంచి హైదరాబాద్ లో నెక్స్ట్ షెడ్యూల్ ను ప్రారంభించనున్నారు.
కాగా ఈ సినిమాకు సంబంధించి ఓ అప్డేట్ వచ్చింది. ఈ సినిమాలో కింగ్ నాగార్జున సరసన కాజల్ అగర్వాల్ నటించబోతోంది. తెలుగు ఇండస్ట్రీలో అడుగు పెట్టి చాలా ఏళ్లు అవుతున్నా కాజల్ అగర్వాల్ ఇప్పటివరకు నాగ్ తో ఒక్క సినిమా కూడా చేయలేదు. తొలిసారిగా ఈ ఇద్దరు జతకట్టబోతున్నారు. ఇక కాజల్ విషయానికి వస్తే కాజల్ నటించిన మోసగాళ్లు సినిమా 19వ తేదీన ప్రేక్షకుల ముందుకు రాబోతోంది. మరోవైపు మెగాస్టార్ చిరంజీవి ఆచార్య సినిమాలో కూడా కాజల్ నటిస్తోంది.