జిల్ ఫేమ్ రాధాకృష్ణ దర్శకత్వంలో యంగ్ రెబల్ స్టార్ ప్రభాస్ హీరోగా తెరకెక్కుతున్న చిత్రం రాధే శ్యామ్. భారీ బడ్జెట్ తో తెరకెక్కుతున్న ఈ చిత్రంలో ప్రభాస్ సరసన పూజా హెగ్డే నటిస్తోంది. యూరప్ బ్యాక్ డ్రాప్ లో తెరకెక్కుతున్న ఈ చిత్రానికి సంబంధించి ఇప్పటికే విడుదలైన లుక్స్, మోషన్ పోస్టర్ ప్రేక్షకులను విశేషంగా ఆకట్టుకున్నాయి. ఇదిలా ఉండగా ప్రస్తుతం కొన్ని సన్నివేశాలను రీషూట్ చేసేందుకు చిత్ర యూనిట్ సిద్ధమయ్యారు. ఈ నేపథ్యంలోనే ఇటీవల షూటింగ్ కూడా స్టార్ట్ చేశారు. కానీ అనుకోకుండా కరోనా మహమ్మారి కారణంగా ఈ షూటింగ్ ను నిలిపివేశారు.
మొదట రెండు వారాల్లో షూటింగ్ కంప్లీట్ చేయాలని భావించినప్పటికీ అది కుదిరేలా కనిపించట్లేదు. దీంతో షూటింగ్ మరింత ఆలస్యం అయ్యేలా కనిపిస్తోంది. కాబట్టి రిలీజ్ డేట్ కూడా వాయిదా పడే అవకాశం కనిపిస్తోంది.