డ్యాన్స్ అద‌ర‌గొట్టిన.. డైరెక్ట‌ర్ అనీల్ రావిపూడి

హీరో బాల‌కృష్ణ‌తో ఓ మూవీని తెర‌కెక్కిస్తున్నాడు ద‌ర్శ‌కుడు అనీల్ రావిపూడి. ఈయ‌న డైరెక్ట‌రే కాదండోయ్..మంచి డ్యాన్సర్ కూడా. గతంలోనే కొన్ని సార్లు ఈ విషయం రుజువు అయింది. తాజాగా మరోసారి బయటకు వచ్చింది. మెగాస్టార్ చిరంజీవి హాజరైన ఓ వేడుకలో ఆయన స్టెప్ ను అనుకరించి చూపించిన తీరుకు అంతా ఆశ్చర్యపోయారు. ఇప్పుడు మరోసారి తన డ్యాన్సింగ్ టాలెంట్ చూపించాడు అనిల్. ప్రస్తుతం ఈయన నటసింహం నందమూరి బాలకృష్ణతో ఓ సినిమా చేస్తున్న విషయం అందరికీ తెలిసిందే. అయితే ఈ సినిమా షూటింగ్ సెట్స్ లోనే అతను ఫైట్ డ్యాన్స్ మాస్టర్లతో కలిసి బాలయ్య బాబు పాటకు స్టెప్పులేశారు. బాలయ్యా బాలయ్యా అంటూ సాగే ఈ పాటకు ఫైర్ మాస్టర్ ఓవర్ కాన్ఫిడెంట్ గా కనిపించారు. మధ్యలో డ్యాన్స్ మాస్టర్ కూడా జాయినయ్యాడు అని చెబుతూ అనిల్ వాళ్లతో కలిసి డ్యాన్స్ చేశాడు. ఈ వీడియో ప్రస్తుతం నెట్టింట వైరల్ గా మారింది. డ్యాన్సర్ గా మారిన డైరెక్టర్ అంటూ చాలా మంది కామెంట్లు చేస్తున్నారు. కుర్ర హీరోలా కనిపిస్తున్నారంటూ కొంత మంది చెబుతుండగా.. చాలా స్టైలిష్ గా కనిపిస్తున్నారంటూ మరికొందరు చెప్పుకొస్తున్నారు.