సూపర్ స్టార్ మహేష్ బాబు ప్రస్తుతం పరశురామ్ దర్శకత్వంలో సర్కారు వారి పాట సినిమా చేస్తున్న సంగతి తెలిసిందే. బ్యాంకింగ్ కుంభకోణం నేపథ్యంలో తెరకెక్కుతున్న ఈ సినిమాలో కీర్తి సురేష్ హీరోయిన్ గా నటిస్తోంది. అయితే ఈ సినిమా షూటింగ్ సెకండ్ షెడ్యూల్ స్టార్ట్ అవుతుందనగా కరోనా మహమ్మారి కారణంగా వాయిదా పడింది.
ఇదిలా ఉండగా ఈ సినిమాకు సంబంధించిన ఫస్ట్ లుక్ కోసం అభిమానులు ఎంతో ఆసక్తిగా ఎదురుచూస్తున్నారు. సూపర్ స్టార్ కృష్ణ పుట్టిన రోజు సందర్భంగా ఆ ఫస్ట్ లుక్ వస్తుంది అని అందరూ అనుకున్నారు. కానీ ఎలాంటి అప్ డేట్ ఇవ్వలేదు. ఇక ఇప్పుడు కరోనా తగ్గుముఖం పడుతుండటంతో ఆగస్టు 9న మహేష్ బాబు పుట్టినరోజు నాడు ఫస్ట్ లుక్ రిలీజ్ చేయడానికి ప్లాన్ చేస్తున్నారట దర్శక నిర్మాతలు.