హిట్ ఫ్లాఫ్ లతో సంబంధంలేకుండా వరుస సినిమాలు చేస్తున్నాడు యంగ్ హీరో నితిన్. ఇటీవల రంగే సినిమాలతో ప్రేక్షకుల ముందుకు వచ్చాడు నితిన్. అయితే ఇందులో రంగ్ దే మంచి విజయం సాధించినప్పటికీ… చెక్ సినిమా మాత్రం నిరాశపరిచింది. ఈ సినిమా ఫిబ్రవరి 26న విడుదలైంది. మరణ శిక్ష ఎదుర్కొంటున్న ఖైదీ ఆదిత్య పాత్రలో నితిన్ ఈ సినిమాలో కనిపించారు. జైలు శిక్ష సమయంలో చెస్ ఆడిన ఒక అమెరికన్ ఖైదీ కథ ఇది అని ఇది ఒక ప్రయోగాత్మక చిత్రం అని దర్శకుడు చెప్పారు.
ఇక ఈ సినిమాలో రకుల్ ప్రీత్ సింగ్ లాయర్ పాత్రలో కనిపించగా ప్రియా ప్రకాష్ వారియర్ సెకండ్ హీరోయిన్ గా నటించింది. ఈ సినిమా బాక్స్ ఆఫీసు వద్ద అంచనాలకు ఏ మాత్రం అందుకోలేకపోయింది. ఇప్పుడు ఈ సినిమాను ఓటీటీ లో రిలీజ్ చేయబోతున్నారు. మే 14 నుంచి సన్ నెక్స్ట్ లో స్ట్రీమింగ్ కానుంది. ఇక థియేటర్ లో ఫెయిల్ అయిన ఈ చిత్రం ఓటిటి లో అయినా సక్సెస్ ని అందుకుంటుందో లేదో చూడాలి.