టాలీవుడ్ స్టార్ హీరోయిన్ అనుష్క శెట్టి.. ప్రస్తుతం క్రిష్ దర్శకత్వంలో ఓ సినిమా చేస్తున్నట్లు సమాచారం. అయితే ఈ సినిమాకి సంబంధించిన అఫీషియల్ అనౌన్స్‌మెంట్ అయితే ఇంకా రాలేదు. కానీ ఈ మూవీకి సంబంధించిన షూటింగ్ మాత్రం శరవేగంగా జరుగుతున్నట్లు వార్తలు వినిపిస్తున్నాయి. యూవీ క్రియేషన్స్ బ్యానర్ ఈ చిత్రాన్ని నిర్మిస్తున్నట్లు సమాచారం. తాజాగా ఈ మూవీకి సంబంధించిన ఓ అప్డేట్ నెట్టింట వైరల్ గా మారింది.
లేడీ ఓరియంటెడ్ స్టోరీతో ఈ సినిమా తెరకెక్కుతుందట. ఇక ఈ చిత్రానికి ‘శీలావతి’ అనే టైటిల్ ని ఖరారు చేసినట్లు వార్తలు వినిపిస్తున్నాయి. ఈ టైటిల్ వింటుంటే.. అనుష్క మరోసారి వేశ్య పాత్రని పోషిస్తుందా..? అనే సందేహం కలుగుతుంది. గతంలో క్రిష్ దర్శకత్వంలో తెరకెక్కిన ‘వేదం’ సినిమాలో అనుష్క.. సరోజ అనే వేశ్య పాత్రని పోషించారు. ఇప్పుడు శీలావతి టైటిల్ వింటుంటే.. మరోసారి అనుష్క వేశ్యగా కనిపించబోతుంది.