ప్రస్తుతం బోయపాటి శ్రీను అఖండ సినిమా చేస్తున్న సంగతి తెలిసిందే. నందమూరి బాలకృష్ణ హీరోగా తెరకెక్కుతున్న ఈ చిత్రంలో బాలకృష్ణ ద్విపాత్రాభినయం చేస్తున్నాడు. ఇప్పటికే ఈ సినిమాకు సంబంధించి విడుదలైన టీజర్ ప్రేక్షకులను విశేషంగా ఆకట్టుకుంది. అయితే ఈ సినిమా తర్వాత బోయపాటి ఎవరితో సినిమా చేయబోతున్నాడనే దానిపై రకరకాల వార్తలు వస్తున్నాయి.
మొదట అల్లుఅర్జున్, రవితేజ పేర్లు తెరపైకి వచ్చాయి. కానీ కరోనా కారణంగా ఆ హీరోల షెడ్యూల్స్ తారుమారు కావడంతో అందుబాటులో లేకుండా పోయారు. ఇప్పుడు తాజాగా ఎనర్జిటిక్ స్టార్ రామ్ పేరు వినిపిస్తోంది. లింగు స్వామి సినిమా తర్వాత బోయపాటి తో రామ్ సినిమా చేయబోతున్నాడని తెలుస్తోంది. అయితే దీనిపై అధికారిక ప్రకటన మాత్రం రాలేదు.