సుధ కొంగర దర్శకత్వంలో తమిళ స్టార్ హీరో సూర్య ప్రధాన పాత్రలో ప్రేక్షకుల ముందుకు వచ్చిన చిత్రం ఆకాశం నీ హద్దురా. ఎయిర్ డెక్కన్ వ్యవస్థాపకులు గోపీనాథ్ జీవిత కథ ఆధారంగా తెరకెక్కిన ఈ చిత్రం సూపర్ డూపర్ హిట్ ని సాధించింది. అలాగే ఈ సినిమాలో సూర్య సరసన అపర్ణ బాలమురళి నటించింది. పరేష్ రావాల్, మోహన్ బాబు, ఊర్వశి, తదితరులు కీలక పాత్రలు పోషించారు. ఈ సినిమా తమిళంలో సూరరై పోట్రు పేరుతో తెరకెక్కింది.
అయితే ఈ చిత్రం గతంలో ఆస్కార్ అవార్డ్స్ నామినేషన్స్ కోసం కూడా పరిశీలనకు వచ్చింది. ఇక ఇప్పటికే చాలా రికార్డులను సొంతం చేసుకున్న ఈ చిత్రం మరో అరుదైన ఘనతను సాధించింది. అక్టోబర్ 30 నుంచి ఆకాశం నీ హద్దురా అమెజాన్ ప్రైమ్ లో స్ట్రీమ్ అవుతుంది. అయితే తాజాగా ఈ చిత్రం ప్రైమ్ వీడియో అవార్డ్స్ 2021లో బెస్ట్ మూవీగా రికార్డుకెక్కింది. ప్రేక్షకుల ఔట్ బాక్స్ ఎక్స్ పీరియన్స్ వచ్చిన ఇచ్చిన బజ్, వ్యూస్ ద్వారా ఈ చిత్రం అవార్డును సొంతం చేసుకుంది.