దేశ‌వ్యాప్తంగా సార్వ‌త్రిక ఎన్నిక‌ల కోడ్ అమ‌ల్లోకి వ‌చ్చింది. ఈ నేప‌థ్యంలో రాష్ట్ర, జిల్లాల సరిహ‌ద్దుల్లో పోలీసులు చెక్‌పోస్టులు పెట్టి వాహ‌నాల‌ను త‌నిఖీ చేస్తున్నారు. ఈ క్ర‌మంలో చిత్తూరు జిల్లాలో పోలీసుల తనిఖీల్లో భ‌ళే విచిత్రం చోటుచేసుకుంది.
- Advertisement -
ఇవాళ యాదమరి బైపాస్ రోడ్డులో పోలీసులు వాహనాల తనిఖీలు చేపట్టారు. అయితే, బెంగళూరు నుంచి నెల్లూరు వెళ్తున్న పెళ్లి బృందం వాహనాన్ని ఆపి పూర్తిగా చెక్ చేశారు. అనంతరం వివాహం సందర్భంగా పెళ్లి కూతురికి తీసుకెళ్తున్న సారెను పోలీసులు స్వాధీనం చేసుకున్నారు.
సరైన ఆధారాలు చూపకపోవడంతో సుమారు సారెలో ఉన్న 14 కిలోల వెండి వస్తువులను పోలీసులు సీజ్ చేశారు. వివాహానికి వెళ్తున్నామని చెప్పినా.. తమ విడిచి పెట్టలేదని, పెళ్లి కూతురు సారెను కూడా సీజ్ చేయడం దుర్మార్గమని పెళ్లి బృందం పోలీసులపై ఆగ్రహం వ్యక్తం చేశారు.