మద్యం మత్తులో ఇంటి యజమానికి చంపిన యువకుడు..

నెల్లూరు జిల్లా బుచ్చిరెడ్డిపాలెంలోని కలివీధిలో దారుణం చోటుచేసుకుంది. ఇంటి యజమాని మందలించాడని మద్యం మత్తులో కొట్టి చంపాడు యువకుడు. వివరాలు ఇలా ఉన్నాయి.. ఓబులేసు ఇంట్లో రాజశేఖర్‌ అనే యువకుడు అద్దెకు ఉంటున్నాడు. ఆ యువకుడు మద్యం తాగి వచ్చి గొడవకు దిగాడు. దీంతో గొడవలు వద్దంటూ ఆ ఇంటి యజమాని రాజశేఖర్‌ను మందలించాడు. దీంతో ఆగ్రహంతో మద్యం మత్తులో ఓబులేసుపై దాడికి దిగాడు. తీవ్రగాయాలైన ఓబులేసు మృతి చెందినట్లు కుటుంబ సభ్యులు తెలిపారు.