ఏపీలో అధిక ఉష్ణోగ్రతలు… ఉక్కిరిబికిరవుతున్న ప్రజలు

ఏపీలో ఎండలు దంచికొడుతున్నాయి. రెండు రోజులుగా ఉష్ణోగ్రతలు ఒక్క‌సారిగా పెరిగిపోయాయి. ముఖ్యంగా కోస్తా జిల్లాలో అత్యధిక ఉష్ణోగ్రతలు నమోదవుతున్నాయి. వేడి వడగాలులతో ప్రజలు ఉక్కిరిబికిరవుతున్నారు. బయటకు రావాలంటేనే బెంబేలెత్తుతున్నారు. దీర్ఘకాలిక వ్యాధులతో బాధపడుతున్న వృద్ధులు , చిన్నారులు తీవ్ర ఉక్కపోతతో అల్లాడుతున్నారు. రోహిణికార్తె కావడంతో వడగాలులు అధికం అయ్యినట్లు తెలుస్తోంది. యాస్ తుఫాన్ ప్రభావంతో వాతావరణంలో ఉక్కపోత పెరిగింది. కర్ఫ్యూ కావడంతో జనం ఇళ్లకే పరిమితమైయ్యారు. ఉక్కపోతతో విద్యుత్ వినియోగం కూడా బాగా పెరిగింది.