కోవిడ్‌ టీకాపై అపోహలు వద్దు..

మేడ్చల్‌ : కోటిడ్‌ టీకాపై అపోహాలు వద్దని.. ప్రతి ఒక్కరు కోవిడ్‌ టీకాను వేయించుకోవాలని గుండ్లపోచంపల్లి మున్సిపాలిటీ 11వ వార్డు కౌన్సిలర్‌ జైపాల్‌రెడ్డి, మేడ్చల్‌ తెరాస నాయకులు సాటే నరేందర్‌లు తెలిపారు. ప్రభుత్వ కమ్యూనిటీ ఆస్పత్రి కేంద్రంలో వారు కోవిడ్‌ టీకాను వేయించుకున్నారు. ఈ సందర్భంగా వారు మాట్లాడుతూ కరోనా రెండో వేవ్‌ విజృంభిస్తున్న సమయంలో ప్రతి ఒక్కరు కోవిడ్‌ టీకాను వేయించుకోవాలని కోరారు. ప్రజలు తప్పకుండా శానిటైజర్‌ వినియోగించుకోవాలని.అలాగే భౌతిక దూరాన్ని పాటించి మాస్క్‌లను తప్పని సరిగా ధరించాలని జైపాల్‌రెడ్డి, నరేందర్‌రెడ్డిలు సూచించారు.