నిజామాబాద్ కమిషనరేట్ సి.పి.ఆదేశాల మేరకు ఏసీపీ కిరణ్ కుమార్ ఆధ్వర్యంలో వర్ని పోలీస్ స్టేషన్ పరిధిలోని ఒడ్డేపల్లి గ్రామంలో బుధవారం ఉదయం కమ్యూనిటీ కాంటాక్ట్ ప్రోగ్రాం నిర్వహించారు. గ్రామంలోని సరైన ధ్రువపత్రాలు లేని 56 వాహనాలను పోలీసులు స్వాధీనం చేసుకున్నారు.
ఈ సందర్భంగా ఏసీపీ స్థానిక ప్రజలతో మట్లాడుతూ… ప్రజల రక్షణ గురించి ప్రజల్లో భద్రతాభావం కల్పించడం గురించి, ప్రజల సమస్యలు నేరుగా తెలుసుకొనే అవకాశం ఉంటుందని ఈ కార్యక్రమం చేపట్టడం జరిగిందని తెలియజేశారు. ఈ కార్యక్రమంలో రుద్రుర్ సిఐ జయేష్ రెడ్డి, బోధన్ రూరల్ సీ.ఐ శ్రీనివాస్ రాజ్, ఎస్.ఐ లు కృష్ణ కుమార్, నీరేష్, సందీప్, విక్రమ్, పీటర్ పోలీసు సిబ్బంది ఉన్నారు.
