కేసీఆర్ పాలనలో పల్లెలు ప్రగతి

సీఎం కేసీఆర్ పాలనలో పల్లెలు ప్రగతి పథంలో సాగుతున్నాయని భువనగిరి ఎమ్మెల్యే ఫైళ్ల శేఖర్ రెడ్డి అన్నారు. మంగళవారం భువనగిరి మండలం చందుపట్ల మధిర గ్రామం కుమ్మరిగూడెంలో ఎన్ఆర్ఈజీఎస్ నిధుల నుండి రూ. 5 లక్షల రూపాయలతో మంజూరైన సీసీ రోడ్డు పనులకు శంకుస్థాపన చేసారు. ఈ సంధర్భంగా ఎమ్మెల్యే మాట్లాడుతూ గాంధీజీ కలలు గన్నా గ్రామ స్వరాజ్యం దిశగా తెలంగాణ ప్రభుత్వం ముందుకు సాగుతున్నదని అన్నారు. గ్రామాల అభివృద్దే లక్ష్యంగా పాటు పడుతున్నామన్నారు. అనంతరం మండలంలోని తాజ్పూర్- అనంతరం గ్రామాలను సందర్శించి రోడ్డు పనులను ఎమ్మెల్యే పైళ్ల పరిశీలించారు.