వికారాబాద్, ఆగస్టు 3 (ప్రభ న్యూస్): తెలంగాణ రాష్ట్ర ప్రభుత్వం నియోజకవర్గానికి ఒక 108 అంబులెన్స్ ఇచ్చిన నేపథ్యంలో గురువారం వికారాబాద్ ఎమ్మెల్యే డాక్టర్ ఆనంద్ అంబులెన్స్ ను ప్రారంభించారు. అనంతరం వికారాబాద్ ఎన్టీఆర్ చౌరస్తాలో ముఖ్యమంత్రి కేసీఆర్ చిత్రపటానికి పాలాభిషేకం నిర్వహించారు.
ఈ కార్యక్రమంలో వికారాబాద్ జిల్లా రైతుబంధు అధ్యక్షులు రామిరెడ్డి వికారాబాద్ పట్టణ టిఆర్ఎస్ అధ్యక్షుడు ప్రభాకర్ రెడ్డి కౌన్సిలర్లు గోపాల్, రామస్వామి ఉపాధ్యక్షులు బూరుగుపల్లి అనంతరెడ్డి, నాయకులు శ్రీనివాస్ రెడ్డి, మూల రాజ్ కుమార్, కైలా ఉపేందర్ రెడ్డి తదితరులు పాల్గొన్నారు