అదృశ్య‌మైన ముగ్గురు విద్యార్థుల కథ సుఖాంతమైంది. సంగారెడ్డి జిల్లా పటాన్ చెరులో ముగ్గురు విద్యార్థులు అదృశ్య‌మ‌య్యారు. పటాన్ చెరు గౌతంనగర్‌ కాలనీకి చెందిన ముగ్గురు స్నేహితులు రాహుల్ (8వ తరగతి), విక్రమ్ (నాల్గ‌వ తరగతి), ప్రీతమ్ (నాల్గ‌వ తరగతి) చదువుతున్నారు. ఈ ముగ్గురు విద్యార్థులు అదృశ్యం కావ‌డంతో వారి త‌ల్లిదండ్రులు అర్థరాత్రి దాటాక పటాన్ చెరు పోలీస్ స్టేషన్ లో ఫిర్యాదు చేశారు. వీరి ఫిర్యాదుపై పోలీసులు నాలుగు బృందాలుగా ఏర్ప‌డి గాలింపు చ‌ర్య‌లు చేప‌ట్టారు. ఆ విద్యార్థుల‌ను పోలీసులు ప‌ట్టుకోగ‌లిగారు. పాడుబడిన పటాచ్ చెరు రైల్వేస్టేషన్ సమీపంలో రాత్రి అంతా గడిపిన ఆ విద్యార్థులు పోలీసులకు దొరికిపోయారు. విద్యార్థుల‌ను ప‌ట్టుకున్న పోలీసులు వారి తల్లిదండ్రులకు అప్పగించడంతో ఈ కథ సుఖాంతమైంది. ఆ విద్యార్థుల‌కు చ‌దువుపై ఇష్టం లేక‌నే ఇలా చేశారని తెలుస్తోంది.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్ పేజీల‌ను ఫాలో అవ్వండి..
#AndhraPrabha #AndhraPrabhaDigital