మున్సిపల్ భవన నిర్మాణ పనులు ప్రారంభం..

పెద్దపల్లి మున్సిపల్ భవన నిర్మాణ పనులను ఎమ్మెల్యే దాసరి మనోహర్ రెడ్డి ప్రారంభించారు. సోమవారం జిల్లా కేంద్రంలో రూ.5 కోట్ల 84 లక్షల రూపాయలతో నిర్మించతలపెట్టిన భవన నిర్మాణ పనులను ప్రారంభించారు. ఈ సందర్భంగా ఎమ్మెల్యే మాట్లాడుతూ… భవన నిర్మాణ పనులను యుద్ధ ప్రాతిపదికన పూర్తి చేసేందుకు కృషి చేస్తామన్నారు. ఈ కార్యక్రమంలో మున్సిపల్ చైర్ పర్సన్ డాక్టర్ దాసరి మమతా ప్రశాంత్ రెడ్డి, కమిషనర్ శ్రీనివాస్ రెడ్డితో పాటు కౌన్సిలర్లు, మున్సిపల్ అధికారులు పాల్గొన్నారు.