ఎన్నికల అఫిడవిట్ ట్యాంపరింగ్కు పాల్పడ్డారన్న కోర్టు తీర్పుపై మంత్రి శ్రీనివాస్గౌడ్ ఇవ్వాల (మంగళవారం) స్పందించారు .. ఎన్నికల అఫిడవిట్లో తప్పు జరగలేదని కేంద్ర ఎన్నికల సంఘం చెప్పిందన్నారు. నామినేషన్ వేసేటప్పుడు నాలుగు సెట్ల పత్రాలు ఇస్తామని, కొందరు క్లారిటీ లేకుండా మాట్లాడుతున్నారని మండిపడ్డారు. ఈ కేసుపై ఎక్కడా మాట్లాడొద్దని పిటిషనర్కు కోర్టు చెప్పిందని, అయినా అవాకులు, చెవాకులు పెలుతున్నారని ఆగ్రహం వ్యక్తం చేశారు.
ఇక.. రేవంత్ రెడ్డి ఓ బ్లాక్ మెయిలర్ అని, పదవి వచ్చినా అతని బుద్ధి మాత్రం మారలేదని మంత్రి శ్రీనివాస్ గౌడ్ మండిపడ్డారు. బడా బాబులను బెదిరించి వందల కోట్లు సాంపాదించాడని, తాను ఇంచు భూమి కబ్జా చేశానని నిరూపిస్తే దేనికైనా రెడీ సిద్ధమేనన్నారు. లేదంటే రేవంత్ రెడ్డి పీసీసీ పదవి వదులుకుంటారా? అని సవాల్ విసిరారు.