బెల్లంపల్లి (ప్రభ న్యూస్) : బెల్లంపల్లి పట్టణం రెండో వార్డు గ్రౌండ్ బస్తీలో సింగరేణి, ప్రభుత్వ స్థలాల్లో ఇల్లు నిర్మించుకున్న వారికి ఎమ్మెల్యే దుర్గం చిన్నయ్య ఇళ్ల పట్టాల‌ను బుధవారం అందజేశారు. ఈ సంద‌ర్భంగా ఎమ్మెల్యే మాట్లాడుతూ.. బెల్లంపల్లి ప్రజల చిరకాల కోరిక అయిన పట్టాల పంపిణీ కోసం అసెంబ్లీలో చాలాసార్లు మాట్లాడ‌డం జ‌రిగింద‌న్నారు.
గత 60 ఏళ్లుగా బెల్లంపల్లిలో నివాస‌ముంటున్న వారికి పట్టాలు అందజేయడం జరుగుతుంద‌న్నారు. ఈ పట్టాల కోసం దరఖాస్తు చేసుకోవడానికి జూన్ 30 వరకు సమయం ఉందన్నారు. ప్రతి ఒక్కరు దీన్ని సద్వినియోగం చేసుకోవాలని తెలిపారు. మున్సిపల్ వైస్ చైర్మన్ బత్తుల సుదర్శన్, స్థానిక కౌన్సిలర్ అప్సర్, బీఆర్ఎస్ నాయకులు శ్రీధర్, వార్డు ప్రజలు తదితరులు పాల్గొన్నారు.