పెగాసెస్ స్పైవేర్ గురించి మరోసారి హాట్ హాట్ చర్చ జరుగుతోంది. దీనికి న్యూయార్క్ టైమ్స్ వెలువరించిన ఓ రిపోర్టు కారణంగా తెలుస్తోంది. ఇప్పటికే ఇది పలుమార్లు పార్లమెంట్లో తీవ్రమైన చర్చకు దారితీయగా.. అయిదు రాష్ట్రాల ఎన్నికలకు ముందు ప్రతిపక్షాలకు సరైన ఆయుధంగా మారిందని చెప్పవచ్చు. ఈ స్పైవేర్పై ఇవ్వాల కాంగ్రెస్తోపాటు పలువురు ఎంపీలు బీజేపీ ప్రభుత్వంపై.. ప్రధాని మోడీపై భగ్గమన్నారు. మోడీ ఎందుకు మౌనంగా ఉంటున్నారో తెలియజేయాని పెగాసెస్పై ఇజ్రాయెల్తో కుదుర్చుకున్న ఒప్పందాన్ని బహిర్గతం చేయాలని పట్టుబడుతున్నారు.
ఇజ్రాయెల్తో ఒప్పందంలో భాగంగా 2017లో పెగాసస్ స్పై టూల్‌ను భారత ప్రభుత్వం కొనుగోలు చేసిందని, స్పైవేర్‌ను ఉపయోగించి అక్రమంగా స్నూపింగ్ చేయడం “దేశద్రోహం” అని పేర్కొంటూ న్యూయార్క్ టైమ్స్ ఓ నివేదిక వెలువరించింది. దీనిపై కాంగ్రెస్ పార్టీ ఇవ్వాల పెద్ద ఎత్తున్న కేంద్రంపై ఎదురుదాడికి దిగింది. ది న్యూయార్క్ టైమ్స్ లోని నివేదిక ప్రకారం.. ఇజ్రాయెలీ స్పైవేర్ పెగాసస్, క్షిపణి వ్యవస్థ 2017లో భారతదేశం, ఇజ్రాయెల్ మధ్య సుమారు USD 2-బిలియన్ల అధునాతన ఆయుధాలు, ఇంటెలిజెన్స్ గేర్‌ల మధ్య “కేంద్రాలు”గా ఉన్నాయని పేర్కొంది. ప్రభుత్వంపై రాజ్యసభలో ప్రతిపక్ష నేత మల్లికార్జున్ ఖర్గే ట్విట్టర్లో విరుచుకుపడ్డారు. “మోదీ ప్రభుత్వం భారతదేశ పౌరులను శత్రువుల వలె ఎందుకు చూస్తుందో.. భారతీయ పౌరులపై యుద్ధ ఆయుధాన్ని ఎందుకు ప్రయోగించింది?” “పెగాసస్‌ను ఉపయోగించి అక్రమంగా స్నూపింగ్ చేయడం దేశద్రోహానికి సమానం. చట్టానికి ఎవరూ అతీతులు కాదు. మేము న్యాయం జరిగేలా చూస్తాము” అని ట్విట్టర్లో పేర్కొన్నారు.
ఈ రిపోర్ట్పై ప్రభుత్వ స్పందన కోసం ప్రయత్నిస్తే ఎటువంటి రెస్పాన్స్ రాలేదని పీటీఐ వార్తా సంస్థ తెలిపింది. మీడియా కథనాన్ని ఉటంకిస్తూ.. కాంగ్రెస్ ప్రతినిధి షామా మొహమ్మద్ మాట్లాడుతూ.. కాంగ్రెస్ మాజీ అధ్యక్షుడు రాహుల్ గాంధీతో సహా భారత పౌరులపై స్నూప్ చేయడానికి బీజేపీ ప్రభుత్వం మిలిటరీ గ్రేడ్ స్పైవేర్‌ను ఉపయోగించిందనడానికి ఇది “తిరుగులేని రుజువు” అని అన్నారు. జవాబుదారీతనం ఉండాలి అని ప్రభుత్వాన్ని డిమాండ్ చేశారు.
ప్రభుత్వం తెలిపిన వివరాలు సుప్రీంకోర్టును, పార్లమెంటును “తప్పుదోవ పట్టించాయి” అని సూచిస్తున్నాయని రాజ్యసభ ఎంపీ, సీనియర్ కాంగ్రెస్ నాయకుడు శక్తిసిన్హ్ గోహిల్ ఆరోపించారు. “నరేంద్రమోడీ ఎందుకు మౌనంగా ఉన్నారు? స్పష్టం చేయడం @PMOIndia యొక్క విధి. ఇజ్రాయెలీ NSO కంపెనీ విక్రయించిన స్పైవేర్ పెగాసస్‌కు పన్ను చెల్లింపుదారుల నుండి ₹ 300 కోట్ల డబ్బు చెల్లించడం ద్వారా ఇది నిజంగా చందా పొందిందని న్యూయార్క్ టైమ్స్ ఈ రోజు వెల్లడించింది,” అని ఆయన ట్వీట్ చేశారు. “ఇది మా ప్రభుత్వం సుప్రీంకోర్టు, పార్లమెంటును తప్పుదారి పట్టించిందని సూచిస్తుంది” అని మిస్టర్ గోహిల్ అన్నారు.
యూత్ కాంగ్రెస్ చీఫ్ శ్రీనివాస్ బి వి కూడా మీడియా కథనాన్ని ఉదహరిస్తూ “అందుకే నిరూపించబడింది! చౌకీదార్ హాయ్ జాసూస్ హై..” అని ట్వీట్ చేశారు. శివసేన ఎంపీ ప్రియాంక చతుర్వేది ఒక ట్వీట్‌లో స్పైవేర్ రక్షణ ప్రయోజనాల కోసం కాకుండా ప్రతిపక్షాలు, జర్నలిస్టులను స్నూప్ చేయడానికి ఉపయోగించారని ఆరోపించారు. బీజేపీ ఉంటేనే సాధ్యం.. దేశాన్ని బిగ్ బాస్ షోగా మార్చారు’’ అంటూ హిందీలో ట్వీట్ చేశారు.
బీజేపీ ఎంపీ సుబ్రమణియన్ స్వామి మాట్లాడుతూ.. “ఇజ్రాయెల్ ఎన్‌ఎస్‌ఓ కంపెనీ విక్రయించిన స్పైవేర్ పెగాసస్‌కు పన్ను చెల్లింపుదారుల నుండి ₹ 300 కోట్ల డబ్బు చెల్లించడం ద్వారా నిజంగానే చందా పొందినట్లు న్యూయార్క్ టైమ్స్ వెల్లడించిన విషయాలను మోడీ ప్రభుత్వం ఖండించాలి. “ఇది ప్రాథమికంగా మన ప్రభుత్వం సుప్రీంకోర్టు, పార్లమెంటును తప్పుదారి పట్టించిందని సూచిస్తుంది. వాటర్‌గేట్?” అంటూ ట్వీట్ చేశాడు. NSO గ్రూప్ యొక్క ఫోన్ హ్యాకింగ్ సాఫ్ట్ వేర్ ద్వారా భారత మంత్రులు, రాజకీయ నాయకులు, కార్యకర్తలు, వ్యాపారవేత్తలు, జర్నలిస్టులతో సహా చాలా మంది వ్యక్తులను టార్గెట్ చేసుకున్నారని అంతర్జాతీయ పరిశోధనాత్మక కన్సార్టియం గత సంవత్సరం పేర్కొంది. భారతదేశంలో లక్షిత నిఘా కోసం పెగాసస్‌ను ఉపయోగించారనే ఆరోపణలపై విచారణకు సుప్రీంకోర్టు ముగ్గురు సభ్యుల స్వతంత్ర నిపుణుల ప్యానెల్‌ను ఏర్పాటు చేసింది. ఈ విషయంలో ప్రభుత్వం తనపై వచ్చిన ఆరోపణలన్నింటినీ కొట్టిపారేసింది.