కాఫీ, టీ, స్వీట్లు.. ఇట్లా ఏదో ఒక విధంగా షుగర్ ఉన్న ఫుడ్ తీసుకుంటారు చాలామంది. అయితే కొందరు వీటిని ఎక్కువగా తీసుకోవడం వల్ల ఒంట్లో షుగర్ లెవల్స్ పెరుగుతుంటాయి. షుగర్ ఎక్కువైతే ఇన్ఫ్లమేషన్, డయాబెటిస్, కేన్సర్, ఒబెసిటి వంటి హెల్త్ ఇష్యూస్ వచ్చే చాన్సెస్ ఉన్నాయి. మ‌రి ఉన్నపళంగా షుగర్ ఉన్న ఫుడ్ ఆపేస్తే అలసట, తలనొప్పి, క్రాంప్స్ వంటి సమస్యలు కూడా వ‌స్తాయంటున్నారు డాక్ట‌ర్లు. ఇలాంటి సమస్యలు రాకుండా స్వీట్లు తినాలనే కోరిక కలగకుండా ఉండేందుకు కిచెన్లో సుగంధ ద్రవ్యాలు మంచి మెడిసిన్గా పనిచేస్తాయంటున్నారు న్యూట్రిషనిస్టులు. షుగర్కి ఆల్టర్నేట్గా యాలకుల్ని తినాల‌ని చెబుతున్నారు.
కమ్మని వాసన, మంచి రుచి ఉన్న యాల‌కులు తింటే.. స్వీట్లు తినాలనే కోరిక రాకుండా చేస్తాయి. ఫ్రీరాడికల్స్ ఇన్సులిన్ని విడుదల చేసే కణాల్ని డ్యామేజ్ చేస్తుంటాయంటున్నారు డాక్ట‌ర్లు. ఫ్రీరాడికల్స్ని బయటకి పంపించి, ఇన్సులిన్ రిలీజ్ని పెంచడంలో కొత్తిమీర బాగా పనిచేస్తుంది. అదేవిధంగా నల్ల మిరియాల్లో పైపెరిన్ అనే ఆల్కలాయిడ్ ఉంటుంది. దీని యాంటీ ఇన్ఫ్లమేటరీ, యాంటీ ఆక్సిడెంట్ గుణాలు హెల్త్ ఇష్యూస్ త‌లెత్త‌కుండా చూస్తాయి. ఇక.. పసుపులోని కర్క్యుమిన్ అనే ఆల్కలాయిడ్ ఇన్ఫ్లమేషన్ని తగ్గిస్తుంది. అంతేకాకుండా జీర్ణ సమస్యలు రాకుండా చూస్తుంది. లవంగాలు ఇన్సులిన్ సెన్సిటివిటీని పెంచుతాయి. రక్తంలో షుగర్ లెవల్స్ తగ్గడంలో సాయపడతాయి. యాంటీ ఇన్ఫ్లమేటరీ గుణాలున్న దాల్చినచెక్క ఇన్సులిన్ సిగ్నలింగ్ని ఇంప్రూవ్ చేస్తుంది. మ‌రి ఎందుకు ఆల‌స్యం.. ఇక మీ రోజువారీ అల‌వాట్ల‌లో యాల‌కులు, లవంగాలను చేర్చుకుంటే మేలే క‌దా..
