ఏపీ రాష్ట్రంలో కరోనా వైరస్ పాజిటివ్ కేసులు క్రమంగా తగ్గుముఖం పడుతున్నాయి. దీంతో నిబంధనలు, ఆంక్షలకు రాష్ట్ర ప్రభుత్వం సడలింపులు ఇస్తోంది. ప్రస్తుతం అక్కడ కర్ఫ్యూ కొనసాగుతున్న సంగతి తెలిసిందే. ఈ నేపథ్యంలో కోవిడ్‌పై అధికారులతో సీఎం జగన్ సమీక్షా సమావేశం జరిపారు.
ఏపీలో జూన్ 30 వరకు కర్ఫ్యూ నిబంధనల్లో ప్రభుత్వం సడలింపులు ఇచ్చింది. ఉదయం 6 గంటల నుంచి సాయంత్రం 6 గంటల వరకు సడలింపు ఇచ్చింది. సాయంత్రం 5 గంటల వరకే దుకాణాలకు అనుమతి ఇచ్చింది. కోవిడ్ పాజిటివిటీ రేటు ఎక్కువగా ఉండటంతో తూర్పుగోదావరి జిల్లాలో మాత్రం ఉదయం 6 గంటల నుంచి మధ్యాహ్నం 2 గంటల వరకే సడలింపులకు అనుమతి ఇచ్చింది. ఈనెల 21 నుంచి కొత్త నిబంధనలు అమల్లోకి వస్తాయని పేర్కొంది. యథావిధిగా ప్రభుత్వ కార్యాలయాలు పనిచేస్తాయని అధికారులు తెలిపారు.