తాలిబ‌న్లే కాదు పాకిస్థాన్ లో కూడా మ‌హిళ‌ల‌ప‌ట్ల వివ‌క్ష నెల‌కొని ఉంది. కాగా పాకిస్థాన్ లో దారుణ‌మైన సంఘ‌ట‌న చోటు చేసుకుంది. న‌లుగురు మ‌హిళ‌ల్ని అతి దారుణంగా కొట్టారు. అంత‌టితో ఆగ‌ని వారి పైచాచికం వారి దుస్తుల‌ను విప్పారు. కాగా ఈ ఘ‌ట‌న‌లో న‌లుగురు మ‌హిళ‌ల్లో ఓ టీనేజ్ యువ‌తి ఉంది. పంజాబ్ ప్రావిన్సులోని ఫైస‌లాబాద్‌లో ఈ ఘ‌ట‌న చోటు చేసుకుంది. దీనికి సంబంధించిన వీడియోలు సోష‌ల్ మీడియాలో వైర‌ల్ అయ్యాయి. ఈ నేప‌థ్యంలో పంజాబ్ పోలీసులు ఐదుగురిని అదుపులోకి తీసుకున్నారు.
ఫైస‌లాబాద్‌లోని బాబా చౌక్ మార్కెట్‌లో ఓ షాపులోకి ఎంట‌ర్ అయిన ఈ న‌లుగురు మ‌హిళ‌ల్ని ఆ షాపు ఓన‌ర్ చిత‌క‌బాదారు. వ‌స్తువులు దొంగ‌లించేందుకు వ‌చ్చిన‌ట్లు అనుమానించిన షాపు యాజ‌మాని మ‌రికొంత మందితో క‌లిసి ఆ మ‌హిళ‌ల‌పై దాడి చేశారు. క‌ర్ర‌ల‌తో కొట్టారు. బ‌ట్ట‌లు ఊడ‌దీసి మ‌రీ చిత‌క‌బాదారు. సుమారు గంట పాటు మార్కెట్ వీధిలో న‌గ్నంగా ఊరేగించారు. శ‌రీరంపై క‌ప్పుకోవ‌డానికి బ‌ట్ట‌లు ఇవ్వండి అంటూ ఆ మ‌హిళ‌లు వేడుకున్నా.. ఏమాత్రం క‌నిక‌రం చూడ‌కుండా కొట్టారు. ఈ ఘ‌ట‌న‌ని చూస్తున్నారే త‌ప్ప ఎవ్వ‌రూ ఆపే ప్ర‌య‌త్నం చేయ‌క‌పోవ‌డం గ‌మ‌నార్హం.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్ పేజీల‌ను ఫాలో అవ్వండి..