ఉస్మానియా ఆసుప‌త్రిలో సీటీస్కాన్ ,క్యాథ్ ల్యాబ్ ప్రారంభించిన మంత్రి హ‌రీశ్ రావు

ఉస్మానియా హాస్ప‌ట‌ల్ లో సీటీ స్కాన్, క్యాథ్ ల్యాబ్ ను ప్రారంభించారు వైద్యారోగ్య‌శాఖ మంత్రి హ‌రీశ్ రావు. కాగా క్యాథ్ ల్యాబ్ ను రూ.8కోట్ల‌తో ఏర్పాటు చేశారు. ఈ సంద‌ర్భంగా అగ్నిమాప‌క యంత్రం, ఆక్సిజ‌న్ ప్లాంట్‌ను కూడా ప్రారంభించారు. ఓపీ స్లిప్పుల జారీ ప‌నుల‌కు శంకుస్థాప‌న చేశారు. ఇటీవ‌లే గాంధీ ఆస్ప‌త్రిలో సీటీ స్కాన్‌ను మంత్రి ప్రారంభించారు. నిలోఫ‌ర్ హాస్పిట‌ల్‌లో రూ. 2 కోట్ల వ్య‌యంతో ఏర్పాటు చేసిన సీటీ స్కాన్, నియోనాట‌ల్ స్కిల్ ల్యాబ్‌ను మంత్రి హ‌రీశ్‌రావు సోమ‌వారం ప్రారంభించిన సంగ‌తి తెలిసిందే.