ముఖ్యాంశాలు: OnePlus 10R ఇప్పుడు OxygenOS 12 A.03 అప్‌డేట్‌వచ్చింది. ఇప్పటి వరకు ఉన్న దాని కంటే బెటర్మెంట్ గా వర్క్ చేస్తుందని, కొన్ని బగ్‌లను కూడా సెటిల్ చేసినట్టు కంపెనీ తెలిపింది. • కొత్త ఆక్సిజన్ OS అప్డేట్ తో కెమెరా పనితీరు కూడా చాలా బాగుంటుంది. • OnePlus 10R ఆండ్రాయిడ్ 12తోపాటే వస్తుంది.
వన్ప్లస్ కంపెనీ తెలిపిన ప్యాచ్ లాగ్ ప్రకారం .. OnePlus 10R లోని కొత్త OxygenOS 12 A.03 అప్డేట్ కొన్ని సందర్భాల్లో విద్యుత్ వినియోగాన్ని ఆప్టిమైజ్ చేస్తుంది. మెరుగైన అనుభవాన్ని అందిస్తుంది. కొత్త ఆక్సిజన్ OS నవీకరణ OTG కనెక్షన్ అనుకూలతను కూడా ఆప్టిమైజ్ చేస్తుంది. దీనికి అదనంగా, తాజా ఆక్సిజన్ OS 12 అప్డేట్ అనేది వినియోగదారులు నివేదించిన బగ్‌లు, సమస్యలను పరిష్కరిస్తుంది. పెద్ద ఫైల్‌లను ట్రాన్స్ఫర్ చేయడానికి పరికరాన్ని కంప్యూటర్‌కు కనెక్ట్ చేసినప్పుడు కొంత అంతరాయాన్ని కలిగించిన సమస్యను అప్డేట్ తర్వాత పరిష్కరించినట్టు OnePlus పేర్కొంది. అప్డేట్లో స్క్రీన్ ఎల్లప్పుడూ ఆన్‌లో ఉన్న డిస్‌ప్లే మోడ్‌లో అసాధారణంగా ప్రదర్శించబడే సందర్భానుసార సమస్యను కూడా పరిష్కారం చూపినట్టు కంపెనీ పేర్కొంది. చివరగా.. ఫింగర్ ప్రింట్ స్కానర్‌తో అన్‌లాక్ చేసిన తర్వాత స్క్రీన్ బ్రైట్‌నెస్ సమస్య కూడా పరిష్కరించామని వన్ప్లస్ తాజా అప్డేట్లో తెలిపింది.
కొత్త ఆక్సిజన్ OS అప్డేట్ కొంత మెరుగైన కెమెరా పనితీరును కూడా అందిస్తుంది. కొత్త అప్‌డేట్‌ను అనుసరించి వెనుక ప్రధాన కెమెరా ద్వారా తీసిన పోర్ట్రెయిట్ ఫొటోల స్పష్టత మెరుగ్గా ఉంటుందని OnePlus పేర్కొంది.
ఇక అప్డేట్ దశలవారీగా విడుదల చేయబడుతోందని, ఒకవేళ మీకు ఇంకా తాజా అప్డేట్ అందకపోతే, కొన్ని రోజులు వేచి ఉండాలని వన్ప్లస్ సూచించింది.
భారతదేశంలో OnePlus 10R ధర 80W 8GB + 128GB వేరియంట్ కోసం రూ. 38,999 నుండి ప్రారంభమవుతుంది. 80W ఛార్జింగ్‌తో 12GB RAM వేరియంట్ ధర రూ. 42,999. 150W ఫాస్ట్ ఛార్జింగ్‌ను అనుభవించాలనుకునే వారు 12GB + 256GB నిల్వ ఎంపికను ఎంచుకోవచ్చు, దీని ధర రూ. 43,999. 150W వేరియంట్ 4500 mAh బ్యాటరీని ప్యాక్ చేస్తుంది, అయితే 80W వేరియంట్ పెద్ద 5000 mAh బ్యాటరీతో వస్తుంది.
స్పెషిపికేషన్స్ పరంగా, 10R 120Hz రిఫ్రెష్ రేట్‌తో 6.7-అంగుళాల పూర్తి HD+ AMOLED డిస్‌ప్లేను కలిగి ఉంది. ఫోన్ ఫ్లాట్ ఫ్రేమ్ డిజైన్‌ను కలిగి ఉంది . MediaTek డైమెన్సిటీ 8100-MAX SoCతో వస్తుంది. ఇది వెనుకవైపు ట్రిపుల్ కెమెరా సెటప్‌తో కూడా వస్తుంది. 8MP అల్ట్రావైడ్ కెమెరాతో పాటు OISతో 50MP Sony IMX766 ప్రధాన కెమెరా ఉంది. వెనుకవైపు 2MP సెన్సార్ కూడా ఉంది. ఫోన్‌లో 32MP ఫ్రంట్ కెమెరా ఉంది.
