ఒక‌వైపు కరోనా కేసులు భారీగా పెరుగుతుంటే.. మరోవైపు ఒమిక్రాన్ కి చెందిన సబ్ వేరియంట్లు బయటపడటం జ‌నాల‌ను మ‌రింత ఆందోళనకు గురిచేస్తోంది. దీనికి సంబంధించి గుజరాత్లో 3 సబ్ వేరియంట్లు వెలుగులోకి వచ్చాయి. ఈ సబ్ వేరియంట్ల‌తో ఒక్కరోజే 41 కేసులు నమోదయ్యాయని అధికారులు తెలిపారు. బీఏ1, బీఏ2, బీఏ3 వేరియంట్ కేసులను గుర్తించినట్లు వెల్లడించారు. వీటి వల్ల ఇప్పటికే బ్రిటన్ లో కేసులు పెరుగుతున్నాయి.
మధ్యప్రదేశ్లోని ఇండోర్లోనూ ఒమిక్రాన్ బీఏ2 వేరియంట్ కేసులు వెలుగులోకి వచ్చాయి. 16 మందిలో ఈ వైరస్ను గుర్తించారు. ఒమిక్రాన్ వేరియంట్ల లక్షణాల తీవ్రతపై నిపుణులు భిన్నంగా స్పందిస్తున్నారు. కొంతమంది లక్షణాలు తీవ్రంగా ఏమీ లేవని చెబుతుంటే, మరికొందరు ఒమిక్రాన్ బీఏ2 వేరియంట్ ప్రమాదకరమైనదేనని అంటున్నారు.