పోస్ట్ తెచ్చిన తంటా.. ఆగిపోయిన పెళ్లి

హైదరాబాద్‌లో మరో దారుణం వెలుగు చూసింది. ఇన్‌స్టాగ్రామ్‌లో ఓ యువకుడు పెళ్లి కాబోతున్న యువతిపై దారుణ పోస్టులు చేశాడు. అంతేకాకుండా సదరు యువతిని పెళ్లి చేసుకోబోయే యువకుడికి ఈ పోస్టులను షేర్ చేశాడు. ఇంతటితో ఆగకుండా‘నువ్వు పెళ్లి చేసుకోబోయే పిల్ల నాది’ అని అసభ్యకరంగా సందేశాలు పంపాడు. నన్ను కాదని నిన్ను పెళ్లి చేసుకుంటే ఆ అమ్మాయిని చంపేస్తానని బెదిరించాడు. ఈ మేసేజ్‌లను చూసిన వరుడు తన వివాహాన్ని రద్దు చేసుకున్నాడు. అటు ఇన్‌స్టాగ్రామ్‌లో పోస్టులు పెట్టిన ఇంజినీరింగ్ స్టూడెంట్ వివేక్‌పై సైబర్ క్రైమ్ పోలీసులకు అతడు ఫిర్యాదు చేశాడు. దీంతో పోలీసులు విచారణ చేపట్టి వివేక్‌ను అరెస్ట్ చేశారు.