ప్రధానమంత్రి నరేంద్ర మోదీ ఇవ్వాల (మంగళవారం)ఇండోనేషియా రాజధాని బాలిలో జరిగిన భారతీయ ప్రవాసుల ఔట్రీచ్ కార్యక్రమంలో ప్రసంగించారు. భారతదేశం, ఇండోనేషియా భాగస్వామ్య వారసత్వం.. సంస్కృతితో అనుసంధానంగా ఉన్నాయని.. మేము ఇప్పటికీ బాలితో పురాతన వాణిజ్య సంబంధాలను జరుపుకుంటామని ప్రధాని అన్నారు. 2018లో వచ్చిన భూకంపం వల్ల ఇండోనేషియా తీవ్రంగా నష్టపోయిందని. అప్పుడు తాము వెంటనే సముద్ర మైత్రి ఆపరేషన్ ప్రారంభించామని భారత ప్రధాని చెప్పారు. ఇక.. జి20 సదస్సులో పాల్గొనేందుకు ప్రధాని రెండు రోజుల పర్యటన నిమిత్తం ఇండోనేషియాలోని బాలిలో ఉన్నారు. తన ప్రసంగంలో భారతదేశం, ఇండోనేషియా షేర్ చేసుకుంటున్న సంబంధాల గురించి సుదీర్ఘంగా మాట్లాడారు.
ఇక్కడ నుండి 1500 కిలోమీటర్ల దూరంలో ఉన్న భారతదేశంలోని కటక్‌లో బలి యాత్ర మహోత్సవం జరుగుతోంది. – ఈ మహోత్సవం వేల సంవత్సరాల నాటి భారతదేశం-ఇండోనేషియా వాణిజ్య సంబంధాలకు సంబంధించి ఉంది కొన్ని నెలల క్రితం ఆగస్టు 15 న భారతదేశం 75 సంవత్సరాల స్వాతంత్ర్యం జరుపుకుంది. ఇండోనేషియా స్వాతంత్ర్య దినోత్సవం భారతదేశం యొక్క రెండు రోజుల తర్వాత – ఆగష్టు 17 న వస్తుంది. అయితే భారతదేశానికి రెండు సంవత్సరాల ముందు స్వాతంత్ర్యం పొందడం ఇండోనేషియా అదృష్టం. ఇండోనేషియా నుండి భారతదేశం చాలా నేర్చుకోవచ్చు.. అన్నారు.