చెత్తకుప్పలో ఆడశిశువు మృతదేహం

ఎన్ని చెప్పినా ఆడిపిల్లలపై ఇంకా వివక్ష కొనసాగుతూనే ఉంది. హైదరాబాద్ మైలార్ దేవ్‌పల్లి పీఎస్ పరిధిలో దారుణం చోటుచేసుకుంది. మధుబన్ శివారు జల్‌పల్లి మార్గంలోని ఓ చెరువు ఒడ్డున చెత్తకుప్పలో ఆడశిశువు మృతదేహం దొరకడం కలకలం రేపింది. గుర్తుతెలియని వ్యక్తులు ఆడశిశువును చెత్తకుప్పలో వేసి చేతులు దులుపుకోవడంతో.. ఆ శిశువుపై వీధికుక్కలు దాడి చేశాయి. దీంతో ఆఢశిశువు ప్రాణం కోల్పోయింది. చిన్నారి మృతదేహాన్ని గుర్తించిన స్థానికులు పోలీసులకు సమాచారం ఇవ్వడంతో వారు పోస్టుమార్టం నిమిత్తం ఉస్మానియా మార్చురీకి తరలించారు. కాగా అబార్షన్ చేసి శిశువును బయట పడేసినట్లు పోలీసులు గుర్తించారు.