నీటి వివాదంపై.. ప్రధాని మోదీని కలవనున్న సీఎం కేసీఆర్

ఏపీ, తెలంగాణ మధ్య కృష్ణా నీటి వినియోగంపై వివాదం రోజురోజుకూ ముదురుతోంది. తెలంగాణ ప్రభుత్వం శ్రీశైలంలో జల విద్యుత్ ఉత్పత్తి చేస్తుండటంపై ఏపీ సీఎం జగన్ ప్రధాని మోదీకి లేఖ రాయగా.. ఈ అంశంపై పరిష్కారం చూపాలని ప్రధాని మోదీని కలవాలని కేసీఆర్ నిర్ణయించారు. ఇందుకోసం ఆయన ప్రధాని మోదీ అపాయింట్‌మెంట్ కోరే ప్రయత్నాలు చేస్తున్నారు. ఈ సమస్యకు శాశ్వత పరిష్కారం కావాలని సీఎం కేసీఆర్ భావిస్తున్నారు.

కాగా తెలంగాణ ప్రభుత్వం అనుమతి లేకుండానే విద్యుత్ ఉత్పత్తి కోసం కృష్ణా జలాలను ఉపయోగిస్తోందని… దాన్ని నిలిపివేసేలా తెలంగాణ ప్రభుత్వాన్ని ఆదేశించాలని శుక్రవారం రాసిన ఓ లేఖ ద్వారా ప్రధానిని జగన్ కోరారు. రెండు రాష్ట్రాల మధ్య కొనసాగుతున్న జల వివాదంలో కలగజేసుకోవాలని ప్రధానికి విజ్ఞప్తి చేశారు.

ఇది కూడా చదవండి: తండ్రిని మించిన దుర్మార్గుడు జగన్