శ్రీలంక క్రికెటర్ దనుష్క గుణతిలక ఆస్ట్రేలియాలో అరెస్ట్ అయ్యాడు. అక్కడి మహిళపై లైంగిక వేధింపుల ఆరోపణలు రావడంతో సిడ్నీ పోలీసులు ఇవ్వాల (ఆదివారం) దనుష్కను అదుపులోకి తీసుకున్నారు. లెఫ్ట్ హాడ్ బ్యాటర్గా దనుష్క గుణతిలకకు మంచి పేరుంది. ICC T20 వరల్డ్ కప్ ఆడేందుకు గుణతిలక ఆస్ట్రేలియా వెళ్లాడు. సిడ్నీ తూర్పు శివారు ప్రాంతంలో ఓ మహిళపై లైంగిక వేధింపులకు పాల్పడినట్లు ఆరోపణలు రావడంతో పోలీసులు అతడిని అదుపులోకి తీసుకున్నట్లు తెలుస్తోంది.
సిడ్నీ మార్నింగ్ హెరాల్డ్ మీడియా కథనం ప్రకారం.. ఈ వారం ప్రారంభంలో రోజ్ బేలో గుణతిలక ఓ మహిళపై లైంగిక వేధింపులకు పాల్పడ్డట్టు తెలుస్తోంది. 29 ఏళ్ల మహిళను లైంగికంగా వేధించడంతో ఆదివారం ఉదయం గుణతిలకను పోలీసులు అదుపులోకి తీసుకున్నట్లు తెలిసింది. దనుష్క గుణతిలకకు బెయిల్ నిరాకరించగా.. కాసేపట్లో పర్రమట్టలోని కోర్టులో హాజరుపరచనున్నారు. అయితే.. గుణతిలక ఆ మహిళతో లైంగికంగా కలిసే ముందు.. కొన్ని రోజులు ఆన్‌లైన్ డేటింగ్ యాప్ ద్వారా కమ్యూనికేట్ చేసినట్లు మరో గాసిప్ వెలుగులోకి వచ్చింది.