ఢిల్లీలో నేషనల్ ఇన్వెస్టిగేషన్ ఏజెన్సీ మోస్ట్ వాంటెడ్ ఐఎస్ఐఎస్ ఉగ్రవాదిని ఢిల్లీ ప్రత్యేక పోలీసులు సోమవారం అరెస్ట్ చేశారు. ఐఎస్ఐఎస్ ఉగ్రవాది షానవాజ్ అలియాస్ సైఫీని ఢిల్లీ పోలీసుల ప్రత్యేక విభాగం సోమవారం అరెస్టు చేసింది. ఐసిస్ ఉగ్రవాది షానవాజ్ తలపై రూ. 3 లక్షల బహుమతి ఉంది. పూణే కేసులో ఈ ఉగ్రవాది నిందితుడు.
ఇంజినీర్ అయిన ఉగ్రవాది షానవాజ్ తన గుర్తింపును దాచిపెట్టి ఢిల్లీలో నివసిస్తుండగా ఢిల్లీ పోలీసులు పట్టుకున్నారు. అరెస్టు అయిన ఉగ్రవాది నుంచి పోలీసులు మరిన్ని వివరాలు రాబడుతున్నారు. దేశంలోని అనేక టెర్రర్ మాడ్యూల్స్‌ను అణిచివేసేందుకు ఢిల్లీ పోలీస్ స్పెషల్ సెల్ నేషనల్ ఇన్వెస్టిగేషన్ ఏజెన్సీ అధికారులతో కలిసి పనిచేస్తోంది. పోలీసుల దర్యాప్తులో ఐసిస్ ఉగ్రవాదుల గురించి మరిన్ని విషయాలు వెలుగుచూడనున్నాయి.