గుజరాత్: కరోనా సోకి ఆసుపత్రిలో చావుతో పోరాడుతున్న భర్త(32) వీర్యం తనకు ఇప్పించాలని ఇటీవల అతడి భార్య కోర్టుకు ఎక్కిన సంగతి తెలిసిందే. భార్య వినతికి కోర్టు ఓకే చెప్పడం, కోర్టు అనుమతితో ఆసుపత్రి సిబ్బంది ఆ వ్యక్తి నుంచి వీర్యం సేకరించడం జరిగాయి. అయితే, ఆ తర్వాత కొన్ని గంటల్లోనే అతడు చనిపోయాడు.
గుజరాత్ వడోదరకు చెందిన ఓ 32 ఏళ్ల వ్యక్తి కరోనాతో బాధపడుతుండగా అతడి భార్య ఇటీవల గుజరాత్ హైకోర్టును ఆశ్రయించింది. చావుబతుకుల్లో ఉన్న తన భర్త వీర్యం ఇప్పించాలని, అతడి ద్వారా ఐవీఎఫ్‌ పద్ధతిలో ఒక బిడ్డకు తల్లి అయ్యే అవకాశం కల్పించాలని న్యాయస్థానాన్ని కోరింది. ఈ విషయంలో తన అత్త, మామలు కూడా ఆమెకు అండగా నిలిచారు. ఆమె పిటిషన్పై సానుకూలంగా స్పందించిన గుజరాత్ హైకోర్టు ప్రక్రియ పూర్తి చేయాల్సిందిగా సదరు ఆస్పత్రి వర్గాలను ఆదేశించింది. కోర్డు ఆదేశాల ప్రకారం, చావు బతుకుల్లో ఉన్న వ్యక్తి వీర్యాన్ని సేకరించారు డాక్టర్లు. ఇది జరిగిన కొన్ని గంటల్లోనే అతడు మరణించాడు.
ఈ వార్త కూడా చదవండి: అవయవదానం చేసి ఐదుగురి ప్రాణాలు కాపాడిన 13 ఏళ్ల బాలుడు