టాలీవుడ్ నిర్మాత దగ్గుబాటి సురేశ్ బాబు, ఆయన కుమారుడు, ప్రముఖ నటుడు రానాపై ఓ భూ వివాదంలో కేసు నమోదైంది. కొంతకాలంగా ప్రమోద్ కుమార్ అనే వ్యాపారవేత్తకు, సురేశ్ బాబుకు మధ్య ఈ భూమి విషయంలో వివాదం నడుస్తోంది. స్థలం ఖాళీ చేయాలని సురేశ్ బాబు, రానా దౌర్జన్యానికి పాల్పడ్డారని.. సురేశ్ బాబు తనను చంపేస్తానని బెదిరించారని ప్రమోద్ కుమార్ పోలీసులకు కంప్లెయింట్ చేశాడు.
ఈ విషయంలో బంజారాహిల్స్ పోలీసులకు ఫిర్యాదు చేసినా వారు స్పందించడంలేదని ప్రమోద్ కుమార్ నేరుగా నాంపల్లి కోర్టును ఆశ్రయించాడు. ప్రమోద్ కుమార్ ఫిర్యాదు నేపథ్యంలో క్రిమినల్ కేసు నమోదు కాగా, విచారణకు రావాలని కోర్టు సురేశ్ బాబు, రానాకు సమన్లు జారీ చేసింది.