త‌మిళ స్టార్ హీరో అజిత్ న‌టిస్తోన్న తాజా చిత్రం తునీవు.ఈ మూవీని హెచ్. వినోద్ రూపొందిస్తున్నాడు.బోనీ కపూర్ నిర్మించారు. ఎమోషన్ తో కూడిన యాక్షన్ మూవీ ఇది. సంక్రాంతి కానుకగా ఈ సినిమాను జనవరి 12వ తేదీన విడుదల చేస్తున్నారు. తెలుగులో అదే రోజున ‘తెగింపు’ పేరుతో ఈ సినిమాను రిలీజ్ చేయనున్నారు. ఈ నేపథ్యంలో ఈ సినిమా నుంచి ‘ఛిలా ఛిలా ఛిల్లా’ అంటూ సాగే ఒక లిరికల్ సాంగ్ ను వదిలారు. ఇది పక్కా మాస్ సాంగ్. ఇక ఈ సినిమా నుంచి రీసెంట్ గా వచ్చిన ట్రైలర్ కి మంచి రెస్పాన్స్ వస్తోంది. భారీ యాక్షన్ సీక్వెన్స్ పై కట్ చేసిన ఈ ట్రైలర్ యాక్షన్ సినిమా ప్రేమికులను ఆకట్టుకునేలా ఉంది. అలాగే అజిత్ బాడీ లాంగ్వేజ్ కూడా డిఫరెంట్ గా అనిపిస్తోంది. అజిత్ సరసన హీరోయిన్ గా మంజూ వారియర్ నటించింది. సముద్రఖని .. అజయ్ .. చిరాగ్ జాని ఈ సినిమాలో ముఖ్యమైన పాత్రలను పోషించారు.
