పెళ్లి బ‌రాత్ లో గాల్లో కాల్పులు జ‌రిపిన వధువు.. వ‌రుడు-కేసు న‌మోదు చేసిన పోలీసులు

ఓ పెళ్లి బ‌రాత్ లో ఎవ్వ‌రూ ఊహించ‌ని సంఘ‌ట‌న జ‌రిగింది. ఓపెన్ కారులో కూర్చున్న‌వ‌ధువును చూపించేందుకు వ‌రుడు ..వ‌ధువు చేతిని ప‌ట్టుకుని గాలిలో కాల్పులు జ‌రిపాడు.. ఇలా ఒకటి తర్వాత ఒకటి ఇలా 4 రౌండ్లు కాల్పులు జ‌రిపారు. అయితే.. వధూవరుల ఈ చర్యకు సంబంధించిన వీడియో ఇప్పుడు సోషల్ మీడియాలో వైరల్‌గా మారింది. ఈ ఘటనపై ఆయుధాల చట్టాన్ని ఉల్లంఘించార‌నే ఆరోప‌ణ‌ల‌తో మీరట్‌లోని మవానా పోలీస్ స్టేషన్‌లో కేసు నమోదైంది. ఆ తర్వాత ఆ ఇద్దరి కోసం పోలీసులు గాలిస్తున్నారు. వైర‌ల్ గా మారిన‌ వీడియోలో.. కారులో కూర్చున్న వధూవరులు కలిసి పిస్టల్‌తో కాల్పులు జ‌రిపిన‌ట్టు స్ప‌ష్ట‌మైతోంది. నగరంలోని ఓ పేరెన్నికగన్న కుటుంబానికి చెందిన అమ్మాయి పెళ్లికి సంబంధించిన బ‌రాత్ గా తెలుస్తోంది. మొత్తం వ్యవహారం మీరట్‌లోని మవానా పోలీస్ స్టేషన్ పరిధిలో జ‌రిగింది. వధూవరుల జ‌రిగిన కాల్పుల వీడియో సోషల్ మీడియాలో వైరల్ అయ్యింది. ఈ వీడియో మీరట్ ఎస్పీ, కేశవ్ కుమార్ దృష్టికి వెళ్ల‌డంతో పోలీసులు ఇద్దరిపై కేసు నమోదు చేశారు. పోలీసులు ఇద్దరి కోసం వెతుకుతున్నారు. కాల్పులు జరిపిన ఆయుధంపై కూడా దర్యాప్తు జరుగుతుంది. ఈ విషయమై ఎస్పీ దేహత్ కేశవ్ కుమార్ మాట్లాడుతూ.. మాకు వీడియో లభించిందని చెప్పారు. వారిపై కేసు నమోదు చేశామని, కేసు దర్యాప్తు చేస్తున్నామ‌ని తెలిపారు. వారు ఉపయోగించి రివాల్వ‌ర్ కు లైసెన్స్ ఉందా? లేదా అనే కోణంలో కూడా ద‌ర్యాప్తు సాగుతోంద‌న్నారు.