ఏప్రిల్ 17న జరగనున్న తిరుపతి ఉపఎన్నిక కోసం బీజేపీ తమ అభ్యర్థిని ప్రకటించింది. ఈ మేరకు మాజీ ఐఏఎస్ రత్నప్రభ పేరును అధికారికంగా ప్రకటించింది. ఈ విషయాన్ని మూడురోజుల క్రితమే ఆంధ్రప్రభ తమ పాఠకులకు చెప్పింది. ఇప్పుడు ఆంధ్రప్రభ చెప్పిన విషయమే అక్షరాలా నిజమైంది.
కాగా ప్రకాశం జిల్లాకు చెందిన రత్నప్రభ కర్ణాటక కేడర్ ఐఏఎస్‌గా అనేక కీలక బాధ్యతలు నిర్వహించారు. ఆ రాష్ట్ర ప్రభుత్వ ప్రధాన కార్యదర్శిగా కూడా పనిచేశారు. ముక్కుసూటి అధికారిగా పేరున్న ఆమెకు ఫైర్‌ బ్రాండ్‌ ముద్ర కూడా ఉంది. అందువల్ల రత్నప్రభ అయితేనే వైసీపీ ప్రభుత్వాన్ని ధీటుగా ఎదుర్కొంటారన్న ఉద్దేశంతో ఆమె అభ్యర్థిత్వాన్ని బీజేపీ అధిష్టానం ఖరారు చేసింది.