దేశంలో కరోనా సెకండ్ వేవ్ పెరుగుతున్నా.. వ్యాక్సినేషన్ కార్యక్రమంగా కూడా జోరుగా సాగుతోంది. ఈ క్రమంలో పలువురు బాలీవుడ్ సినీ ప్రముఖులు కరోనా టీకా తీసుకుంటున్నారు. ఇప్పటికే సల్మాన్ ఖాన్ తీసుకోగా.. తాజాగా బిగ్ బీ అమితాబ్ బచ్చన్ కరోనా టీకా తీసుకున్నారు. ఈ విషయాన్ని అమితాబ్ స్వయంగా ట్విట్టర్ వేదికగా వెల్లడించారు. గురువారం మధ్యాహ్నం తన కొవిడ్ వ్యాక్సినేషన్ ప్రక్రియ పూర్తయిందని బిగ్ బీ తెలిపారు. అభిషేక్ మినహా కుటుంబం అంతా వ్యాక్సిన్ తీసుకున్నట్లు వెల్లడించారు.
గతేడాది అమితాబ్తో పాటు అభిషేక్, ఐశ్వర్యా రాయ్, ఆరాధ్యలకు కరోనా పాజిటివ్ వచ్చిన సంగతి తెలిసిందే. తర్వాత వీరంతా కోలుకుని షూటింగ్లో పాల్గొంటున్నారు. ప్రస్తుతం ‘దాస్వీ’ అనే చిత్రంలో బిగ్ బీ నటిస్తున్నారు.
మరోవైపు ఇప్పటికే సల్మాన్ ఖాన్, సంజయ్ దత్, షర్మిలా ఠాగూర్, ధర్మేంద్ర, హేమా మాలిని, మోహన్ లాల్, జితేంద్ర, కమల్ హాసన్, నాగార్జున, రోహిత్ శెట్టి, నీనా గుప్తా, రాకేశ్ రోషన్, జానీ లీవర్ తదితర నటులు కరోనా తొలి డోసు తీసుకున్నారు.