కొరటాల శివ దర్శకత్వంలో మెగాస్టార్ చిరంజీవి హీరోగా ప్రేక్షకుల ముందుకు రాబోతున్న చిత్రం ఆచార్య. వరుస హిట్లు అందుకున్న కొరటాల శివ దర్శకత్వంలో సైరా తర్వాత మెగాస్టార్ చిరంజీవి చేస్తున్న సినిమా కావడంతో ఈ సినిమాపై మంచి అంచనాలు నెలకొన్నాయి. కాగా ఈ సినిమాలో మెగాస్టార్ తో పాటు ఆయన తనయుడు మెగా పవర్ స్టార్ రామ్ చరణ్ కూడా నటిస్తున్నాడు.
మెగాస్టార్ చేసిన సరసన కాజల్ అగర్వాల్ నటిస్తుండగా రామ్ చరణ్ సరసన పూజా హెగ్డే నటిస్తోంది. ఇప్పటికే ఈ సినిమాకు సంబంధించి విడుదలైన లుక్స్, సాంగ్ కు ప్రేక్షకుల నుండి విశేష స్పందన లభించింది. కాగా తాజా సమాచారం ప్రకారం రామ్ చరణ్ పూజాహెగ్డే లకు సంబంధించి ఓ సాంగ్ బ్యాలెన్స్ ఉందట. ఇప్పటికే నీలాంబరి అనే సాంగ్ ను పూర్తి చేశాడట కొరటాల శివ. ఇప్పుడు మిగిలిఉన్న సాంగ్ ను ఏప్రిల్ 9వ తేదీ నుండి స్టార్ట్ చేయబోతున్నారట.
ఈ పాటను ధర్మస్థలి విలేజ్ సెట్లోనే చిత్రీకరించనున్నారట. ఆ పాట ఒకటి పూర్తి అయిపోతే రామ్ చరణ్ పూజా హెగ్డే కు సంబంధించిన షూటింగ్ మొత్తం కంప్లీట్ అయినట్టేనని తెలుస్తోంది. ఇక ఈ సినిమాను కొణిదెల ప్రొడక్షన్స్ మ్యాట్నీ ఎంటర్టైన్మెంట్స్ సంయుక్తంగా నిర్మిస్తున్న సంగతి తెలిసిందే.