అ,కల్కి , జాంబి రెడ్డి చిత్రాలతో మంచి దర్శకుడిగా పేరు తెచ్చుకున్నాడు ప్రశాంత్ వర్మ. అయితే ఇటీవల ప్రశాంత్ వర్మ పుట్టినరోజు సందర్భంగా తన కొత్త చిత్రం హనుమాన్ ను ప్రకటించాడు. ఈ సినిమాకు సంబంధించి టైటిల్ పోస్టర్ ని కూడా రిలీజ్ చేశాడు. అలాగే ఈ సినిమాలో కూడా జాంబి రెడ్డి హీరో తేజ సజ్జాను హీరోగా సెలెక్ట్ చేసుకున్నాడు. ఇక అలాగే మిగిలిన స్టార్ కాస్ట్ ని వెతికే పనిలో బిజీగా ఉన్నాడు ప్రశాంత్ వర్మ.
అయితే తాజా సమాచారం ప్రకారం ఈ సినిమాలో తేజ సజ్జా సిస్టర్ పాత్రకి వరలక్ష్మి శరత్ కుమార్ ను సెలెక్ట్ చేసుకున్నారట. దీనికి సంబంధించి అధికారిక ప్రకటన కూడా త్వరలోనే రానుందట. ఇక ఇటీవల క్రాక్, నాంది చిత్రాలలో నటించి మంచి పేరు తెచ్చుకుంది వరలక్ష్మి శరత్ కుమార్.